Синоќа нашите одбојкари ја осигурија првата од трите потребни победи за освојување на 11тата шампионска титула. Момците ни приредија одличен натпревар за гледање и навивање, одлична атмосфера во спортската сала “Парк” за која голем удел играше и домашната публика која ги наполни трибините, и покажа огромна поддршка кон омилениот шампионски тим. Квалитетот на играта на нашите одбојкари поддржан од домашните навивачи е добитна комбинација пред која штипјани останаа немоќни. Следниот натпревар е во петок во 19часот, во гости, на кој не се сомневаме дека нашите одбојкари повторно ќе доминираат и ќе го олеснат патот кон 11тата шампионска титула! Натпреварот може да го следите и на МРТ 3 во петок во 19 часот.